1. |
||||
آخ منك يا بيروت
شو أنك وجعتيني
فيكي خليتيني موت
وما قبلتي تحبيني
سمّ هواكي كله مخلخل بمناخيري
عطر الغيمة الشقراء مغبّر عخوانيقي
كل ما جرب أخرق جدرانك الديقة
أبحش لنفسي قبر جديد
عجقة مدينة مفكرة حالها ضيعة
ما عدت أعرف شو أني عطيت
حلمتك مرة مدينة تانية
وجمالك نوّر المنام
حضنتيني وقلتيلي
أنه بقلبك إلي مكان
بيحكوا إنك بنت أدونيس وعشتروت
أكلتي قلب باخوص وعقل بوسيدون
واحد طلع من البحر على حوط
والتاني ترك كرمالك شطّ صور
وحمل معه الشعر والكحول
بين البحر والكاس بين البحر والكاس
زور ليل ونهار سوق إفراط الحماس
بين البحر والكاس بين البحر والكاس
حتى ما أنهار رح كون بلا إحساس
بين البحر والكاس بين البحر والكاس
عم صلّي للبار أنا أبو نواس
بين البحر والكاس بين البحر والكاس
رح سميكي مدينة مع أنه منك للناس
أيه بس فيكي بشر .. وأرواح منسية علقانة بحجر
غيرها ناطر هوية راح عمره ضجر
وشوف ب مين بتلقّط بس لضلني فايش
عنا خبرة بالتعايش ولا واحد منا عايش
وأنا والله ملّيت جرّب حسّ بالثبات وهي الأرض بترشح زيت
ويلا نزحط
|
||||
2. |
||||
علبة بقلب علبة بقلب علبة
على العجقة ببيروت
ما عم أعرف لحّق ضوج
وين بتطلّع؟ كل شي قرفته
بس بالشارع في وضوح
الهوا دوا خالصة مدته
بغرّق حبوبه بالآلكول
سي و إي و كاي بالسهرة
ووقت الوجع Tramadol
لما على حفة هبطة بشأل حالي بال أم.دي
كيف ما كان عم أهدر طاقتي مش ناقصني مين راضيه
تعا يا خيي بفتح قلبي وما تتوقع مني شي
مليون شغلة في ب دربي مش لاقطته لأعطي
مروبسين
مش صاحيين مش واعيين
من تشّ من العرق موّترين
من هشّ للغضب منأزين
من رشّ ع العتب كيروسين، يعني بارافين
مثل الغازولين، يلّي منو مقطوعين
وولا مطرح واصلين
ولا مطرح واصلين
هيدي المدينة قاصية بطوّق ع نفسي لواجها
لو بتيجيني بأحلى عاصفة بلعوسها برجع ببذقها
هيدي المدينة قاصية بطوّق ع نفسي لواجها
لو بتيجيني بأحلى عاصفة بلعوسها برجع ببذقها
هيدي المدينة قاصية بطوّق ع نفسي لواجها
برجع ع العلبة
بسكّر فوق
بعتم جوا
وبعلي الصوت
اي ارجع ع العلبة
سكّر فوق
عتّم جوا
وعلّي الصوت
|
||||
3. |
||||
وقفي
لحظة هدّي
نفس عميق، فكري
أو نامي عليها للقصة
ارجعيلها غير نهار بغير نظرة
غمضي، رجعي فتحي
في ريحة دواليب، كملّي
لهيئة إلنا منك حصّة
يعني نزلتي فينا ضرب
نسينا كيف نهّز غير ننحني
رجعتي عملتي فينا الضرب
خليتينا شوي نحس أنه مننتمي
فينا نحتّل ساحات، نغيّر معنى مساحات
نقبع عن حيطان بلاط
ونرميها عحارس صباط
بدن ياها معلومات ومخبرين ومكنات
شوي فستق للناس وملايين حقّ بيجامات
ونحن نوثق حراكات المغشوشين ونفضح ربّ البيت
ل كانت أفكار بمقال ما بيقريه حدا
صارت سؤال بينطرح ع كل سفرة غدا
شو خراب، الدنية عفن، لوين رايحين؟
الإقتصاد، لفني بكفن، كيف عايشين؟
صار الغضب موجّه مش بس ع الراس مغضغض
وإذا فكري مانه مأدب ما رح بقا لساني عضعض
رح ترتق، ألقط حجر وصوّب، كسّر واجهة
مش قوّص وجوه ثائرة أنا بطرّز عقول تايهة
في يلي بعرصّ فيكي وبيبلي الأديان
أنا بدهنك بعده نار حكي وألوان
بزينك بأشعار لكل عين قاطعة
مقاطعة التعايش مع العيشة بقرفك
في حفلة نشر ع تنشير اليوم ع شرفك
بدنا نرجعه ع الرحم ل يلي خلفك
وجيب الحلم غطسه بمازوت
دلقلك سطل بهار ع الكابوس
|
||||
4. |
دج دج طع طع - Djdj T3t3
02:48
|
|||
شفلي حالتي آعدة ساهية بالحيط
بين عوارضي إحسب كم بلاطة عديت
٦، ١٢، ١٠٠٠ وهبط البيت
كيف لعايشة ومني حاسة الجو صار ع دستوبيا
كيف ما إلقي لحط راسي في غبرة أمونيوم
ضياع كتير خوف
بالأول استغراب
مين كان وين دق لهيدا وهيداك
مش باقة الكلمة بس في غضب عم يغلي
عبالي كسّر جنّ مني يطلع ويإذي
لحظة زته ع الناس وغيرها ابلع الصدمة
إرجع إفقد إحساس أحسن العقدة ببطني
تورثني حرب بمنامي وأنا فردي بلاستيك
وخصمي قاتل مسالم قال sorry قوصتك
sorry قوصتك هي حصتك من لعب الشارع
ما ضروري تتابعي لمين تابع
مية واحد دافع قبلك ليركب بالحلم مدافع للمثلك يموتوا دون دافع
تركني أصحى أفضل مني قدها عنتر
سلاحي والله معتر أنا سقفها وقفة منقل
عالسيخ أعصابي تبخروا
سفرة غريب نحن تفضلوا
من دمّ بعض من عوّم ابريق لتبقى كل كاسة ملانة
مش عدل الإحساس بالذنب عداني
مش منطق ضلّ عم إشحد أماني
لو تابعة لحزب خلعت باب الأمانة
وولعت الإعاشة بالصفّ الأمامي
بس ما إلي حدا بظهري الحوليي مثلي ضعاف
مش حاميني يلي حية بتمه بحطها حاف
أنا من تبع الضراس ل بكزّو دايما ع بعض
فوقي حدا بده الرصاص بكل صدر وإيد عالأرض
ومش عرض ببلاش استعراض الأموات مندفع حقه بfresh
كان عنّا شباك صار ع تاني حيط والسقف بعده نشّ
وصار الأجار بال$$
thank you NGO
sponsored post إعادة إعمار Solidere 2.0
مش عرض ببلاش استعراض الأموات مندفع حقه ب
fresh
كان عنّا شباك صار على تاني حيط والسقف بعده نشّ
|
Streaming and Download help
If you like Sabine Salamé, you may also like:
Bandcamp Daily your guide to the world of Bandcamp